Zeeuws Archief Middelburgm Rekenkamer C, Zugangsnummer: 508 Inventarnummer: 6355 Besteck ende voorwaerde om te maeken een nieuwen boodt ofte Spiegel Schyp achtervolgende dese naer volgende artyckels tot dienste vande Lande,

(1)

Inden eersten sal den Kiele van Schyp lanck wesen LXIIII voeten aert brekens ende sal breet wesen XV duymen, diepe XIII duymen,

(2)

Item den Voorsteven is lanck XXVIII voeten breet XX duymen, dycke IX duymen vallens XIII voeten, bochts V voeten,

(3)

Item den Achtersteven sal lanck wesen XVIII voeten een halve, met thien duymen bochts,

(4)

Item de Hecke balck sal lanck wesen XII voeten een halve, Int Schylt sullen liggen vyff balcken, de staets balck sal breet wesen XII duymen dick XII duymen,

(5)

Item het voorgenoemde Schyp sal geschort wesen VI voeten een halve booven met een Schylt, onder met gewronghen byllen, de plancken aen elck syde beyde de Stevens beset met haer behoorlicke Slymphouten,

(6)

Item het Schyp sal wyt wesen ten halven XXVI voeten tegen den Huydt gemeten, vooren ende achter naer den eysch vande wercke,

(7)

Item het Schip sal diepe wesen XVI voeten een

(Seite 2)

halve, te weten het Schyps overloop, sal wt wateren op XI voeten de Coebrugge sal daer booven liggen op vyff voeten een halve, daer booven met syn Cransen ende dolboomen, midto(?) de fortuyninghe vooren ende achter naer den eysch vande wercke,

(8)

Item de wranghen sullen diep wesen IX duymen ende Inde pooten VII duymen, ende de andere pooten VI duymen, booven dype V duymen met goede behoorlicke pyckwranghen ende cropwranghen met noch drye pyckwranghen achter over het t’soch, ende het Inhout sal verscherven drye voeten,

(9)

Item de plancken van het voornoemde Schyp dycke wesen tot het onderste barchout twee duymen een halve, buyten de Saege,